Teks mc isro mi'roj NAbi Muhammad SAW, bahasa Jawa lengkap dari awal sampai akhir.

Teks mc isro mi'roj NAbi Muhammad SAW, bahasa Jawa lengkap dari awal sampai akhir.

Teks mc isro mi'roj bahasa Jawa atau pembawa acara peringatan isro mi'roj

berikut ini adalah contoh teks mc isro mi'roj lengkap dari awal sampai akhir, bisa di gunakan saat menjadi mc isro mi'roj Nabi Muhammad SAW.

Assalamu’alaikum. wr. wb

Innal hamdalillahi nahmaduhu wanasta'inuhu wanastaghfiruhu wana'udubillahi min syururi anfusinaa wamin sayyiati a'maalinaa, man yahdihillaahu falaa mudhillalah, wamayyudhlil falaa haadiyalah, Assholatu wassalamu ‘ala sayyidina muhammadibni ‘abdillah, wa’ala aalihi washohbihi waman tabi’ahu ilaa yaumil qiyaamah.

Qoolallaahu Ta’aalaa fii kitaabihil kariim, A’udzubillahiminnassyaithoonirrojiim, Subhaanalladzii Asroo bi’abdihii lailan minal masjidil haroom, ilal masjidil aqsholladzi, baaroknaa haulahuu linuriyahuu min aayaatinaa innahuu huwassamii’ul bashiir. Shodaqallahul ‘adziim. Al-aayah Ammaa ba’dah.

Hadrotal mukaromina wal muhtaromin para ‘alim para ‘ulama alladziinahum warotsatul ‘ambiya ingkang tansah kita mulyaaken,

Wabil akhos wonten ngarsanipun Al Mukarrom Bapak KH. Abdurrohman Hakim Ingkang tansah kita ajeng-ajeng barokah ‘ilmunnafi’-ipun saha ingkang tansah kita mulyaaken.

Wonten ngarsanipun Al Mukarrom Bapak Kiai Misbah, Bapak Kiai Asnawi, saha Bapak Kiai sanesipun, pengasuh Masjid punapa Mushala, ingkang mboten saged kawula sebat salah satunggal asma baka asmanipun ingkang tansah kita mulyaaken.

Wonten ngarsanipun para sesepuh, para pinisepuh saha kasepuhan, para tokoh masyarakat Desa Krakal, ingkang pinuji saha kinabekten.

Panjenenganipun para pangemban pangembating praja satriyaning nagari, Bapak Kepala Desa Krakal saha perangkatipun, Bapak Kadus, Bapak RW, Bapak RT, ingkang tansah kita dhere’aken saha ingkng kinurmatan.

Wonten ngarsanipun segenap panitia penyelenggara pengetan isra mi’roj Nabi Muhammad SAW ingkang pinuji saha kinabekten, 

Sumrambah dhumateng para rawuh, hadirina wal hadirot kakung sumawana putri ingkang dahat kalingga murdaning akrami.

Nuwun-nuwun sewu kepareng kawula matur wonten ngarsa para pilenggah sedaya, inggih miturut dawuh saking panitia pengetan Isra Mi’roj Nabi Muhammad SAW, kawula piniji hanjejeri minangka pranata hadicara, 

ingkang sepindah ngaturaken sugeng wilujeng rawuhipun para pilenggah sedaya, ingkang sampun kersa rawih wonten ing majlis punika.

Ingkang kaping kalih, sumangga panjenengan sami kula dereaken manungku puja, ngunju’aken puji raos syukur wonten ngarsa gusti ingkang murbeng dumadi, gusti Allah Swt, ingkang sampun maringi pinten-pinten kanikmatan dhateng kita sedaya sehinggo wonten ing wekdal punika kita saged kempal manunggal wonten ing majelis punika kanthi sehat wal afiat mboten wonten aral setunggal punapa. Ing mugia kanthi perkempalan punika saged andadosaken amal kemaslahatan fiddiini waddunya hattal akhiroh amin allohumma amiin.

Salajengipun, Sholawat ugi salam mugi tetep kunjuk katur wonten ngarsa junjungan kita Nabi Agung Muhammad Saw, ing mugia kita sedaya kalebet golongan umatipun ingkang berhak nampi syafa’at langkung-langkung mbenjing wonten ing yaumil qiyamah amin allohumma amiin.

Hadirina wal hadiroh rohimakumullah...

Saderengipun hadicara wonten ing ndalu punika dipun wiwiti, bade kawula aturaken rumiyin rantamaning hadicara ingkang bade kalampah wonten ing dalu punika.

Hadicara ingkang angka 1 inggih pambuka kanti waosan ummul kitab

Hadicara ingkang angka 2, inggih sambutan-sambutan

Hadicara ingkang angka 3 inggih waosan ayat-ayat suci Al Qur’an kalajengaken waosan sholawat nabi.

Dene Hadicara angka 4, minangka hadicara inti, inggih mau’idzotul hasanah.

Lan hadicara ingkang angka 5, minangka hadicara ingkang pungkasan inggih, panutup kanti waosan do’a.

Para rawuh, ingkang kinurmatan, 

Mekaten rantamaning hadicara ingkang bade kalampah wonten ing ndalu punika.

Nginget wekdal ingkang sampun sa’wetawis ndalu, mangga kita wiwiti hadicara punika kanti waosan umul kitab, ingkang badhe dipun imami deneng panjenganipun Al-Mukarom bapak kiai Misbah. Dhumateng panjenenganipun Al Mukarrom Bapak Kiai Misbah, sasana kasumangga’aken. Nuwun

--- 

Mekaten waosan ummul kitab, ing mugia saged andadosaken kalancaraning hadicara wonten ing ndalu punika. Dhumateng panjenenganipun Al-Mukarom bapak Kiai Misbah ka’aturaken agunging panuwun.

Ndungkap hadicara ingkang angka 2, inggih sambutan-sambutan. Sambutan ingkang sepindah inggih saking panitia Pengetan Isro mi’roj, Dhumateng panjenenganipun Bapak Sudarsono kasumangga’aken. Nuwun.

--- 

Mekaten sambutan saking panitia, dhumateng panjenenganipun bapak Sudarsono ka’aturaken agunging panuwun.

Sambutan ingkang kaping kalih inggih sambutan saking kepala Desa Krakal, dhumateng panjenganipun bapak Hadi Mulyono, sasana kasumanggaaken. Nuwun.

--- 

Mekaten sambutan saking kepala Desa Krakal, dhumateng panjenganipun bapak Hadi Mulyono kulo aturaken matur nembah nuwun.

Ndungkap hadicara ingkang angka tiga inggih, waosan ayat-ayat suci Al Qur’an kalajengaken waosan sholawat nabi, ingkang bade dipun waosaken dening panjenenganipun ustadz Mahalli, dhumateng panjenenganipun ustadz Mahalli, sasana kasumangga’aken. Nuwun.

--- 

Shodaqollohul ‘adzim...,mekaten waosan ayat-ayat suci Al Qur’an lan shalawat Nabi, ing pangajab mugia saged andadosaken lumebering sih samudra kaberkahan wonten ing majelis punika. Dhumateng panjenenganipun ustadz Mahalli ka’aturaken agunging panuwun.

Para tamu kakung sumawano putri ingkang kinurmatan,

Tumapaking hadicara ingkang angka sekawan, inggih mau’idhotul hasanah, ingkang bade dipun wedar sabdo’aken dening panjenenganipun Al Mukarrom Bapak KH. Abdurrahman Hakim, Dhumateng panjenenganipun Al-Mukarom Bapak KH. Abdurrahman Hakim, sasana kasumangga’aken.

--- 

Mekaten mau’idzotul hasanah ingkang sampun dipun wedar sabdo’aken dening panjenenganipun Al Mukarrom Bapak KH. Abdurrahman Hakim, Dhumateng panjenenganipun kulo aturaken matur nembah nuwun.

Ndungkap hadicara ingkang angka gangsal inggih panutup kanti waosan do’a, ingkang bade dipun imami dening panjenenganipun al-mukarom bapak K. Asnawi, Ananing saderengipun, kawula minangka pranata hadicara saking purwa dumuginipun paripurna, hambok bilih kathah kelenta-klentunipun atur, mboten sanes kawula nyuwun sih agunging samudra pangaksami. Kawula akhiri, 

wallahul muwafiq ila aqwamiththoriq….Wassalamu’alaikum. wr.wb

Dhumateng, panjenenganipun al-mukarom Bapak K. Asnawai, sasana kasumanggaaken. Nuwun.